मिति २०८०।०१।१५ गते देखि २०८०।०१।१९ गते सम्मको घ्याङलेख गाउँपालिकाको जनप्रतिनिधि तथा कर्मचारीहरुको अवलोकन भ्रमण सौरहा, लुम्बिनि, रानीमहल पाल्पा, वालिङ नगरपालिका स्याङ्जा, पोखरा, गोरखा दरबार र मनकानासम्मको यात्रा गरी हिजो समापन भएको छ । अवलोकन भ्रमणका क्रममा अन्य पालिकाहरुमा भएका विकास निर्माणहरुको प्रतिवेदन सहितको सुक्ष्म अवलोकन गरियो । यसै क्रममा भव्य स्वागत सहित सुशासन र विकास निर्माण सम्बन्धी अन्रतक्रिया कार्यक्रम सौहार्दपूर्ण ढंगले सम्पन्न गरिदिएकोमा वालिङ नगरपालिका स्याङ्जा परिवार र विशेष गरी नगर उपप्रमुख कविता गैह्रेज्यूलाई घ्याङलेख गाउँपालिका धन्यवाद व्यक्त गर्न चाहन्छ । समग्र अवलोकन पछि घ्याङलेखमा पनि दृढ संकल्पका साथ गर्न सके विकासका प्रचुर सम्भावनाहरु रहेको निष्कर्शका साथ आ. व. २०७९।०८० को अवलोकन भ्रमन समापन गरियो ।